熟慮

近來友人常常找我聊天, 多得他, 回想起我一些深植的想法
今早他轉發我一位女仔對港姐的護航發言

有一句好好笑
"有公屋人一分錢都不用花讀港大, 有家底=贏在起跑線? 窮人才贏在起跑線呀"

人人也會閃過這種幼稚的想法, 可是未必會講出口

深思一下, 窮人補習有津貼麼? 國際學校也不會有, 再莫講出國讀書
資源匱乏底下, 新聞講, 實際香港窮人入大學率只有有錢人三分一, 再想, 窮人比有錢人多阿, 怎麼大學率更低?

若然想到這一步, 那句話就不會沖口而出

可是, 人偏偏喜歡這種加鹽加醋的偏見

沒了這種偏見, 反而不會有動力去思考更深一層
因為人的理性是混雜了感性

對理性行為有這麼一種定義: "最能滿足行為者欲求的行為"
欲求其實就是感性的, 那麼理性恰恰就基於一個不是理性的假設

因此, 那種無頭無腦的合理化, 可以看見, 明顯藏著她對一方的喜惡

不過她也有好處, 不會如我般天人交戰, 可以省神省力
那就得負擔自己試錯的風險了 (例如被我笑 XD)

探索

昨天和教會的新朋友, 第一次去玩跳彈床
也太刺激, 入眠仍有搖盪之餘感
腿今早也酸軟到屈不下來, 這兩天不用跑動了 (汗)

然後去他們家玩board game, 吃晚飯, 一點忙也幫不上, 真的不好意思
不過真的很愉快輕鬆地過了的這一天, 很感謝


話說回來, 在澳洲這些日子
多了這種空閒與機會 去體驗新事物, 接觸不同的人

可是又著實擔心, 賺不回這些年的學費
是曠日廢時, 還是花得其所呢

也許這是目前為止最大的賭博

沉澱

滿腦子不同的概念, 實在想一一寫下來

可是, 試著寫下來, 覺得還是過於零碎
沒有多少能完全得以延伸, 以至完整

因為想法與想法之間一直在相互抵銷, 排斥, 交戰
也許這是一種思想的洗鍊, 沒有絕對反成為了一種絕對

值不值得

這年來, 已經不問愛不愛, 取而代之的是問值不值得
因為愛.. 對男人來說是奉獻, 對女人來說只是被愛

若然愛是奉獻, 那不如問值不值得還方便計算
諷刺的是, 其實愛就是不問值不值得

天蠍

在讀張愛玲, 一來想為自己添點墨水
二來她真像妳的個性

同樣憤世嫉俗, 洞悉人世而厭世
也罷, 妳我談不上任何關係

很喜歡老師一句, 深情卻談不上愛
這大概是張愛玲一生的愛情現實

文學少女

不知道妳有否察覺自己的才華
我還留戀著妳的一字一句

多遺憾, 沒能再讀到妳的下文

可是對妳來說, 跟我絕交大概只是一種決定
All or nothing,  妳選擇了nothing

台灣

病了, 整天都呆在家裡看康熙
看以前的各種港星訪問, 因為想看港台的一些火花

從小, 一直跟台灣很有緣份
小學開始, 就上台灣論壇, 打台灣網遊
中學就看吳宗憲的我猜, 聽郭靜的歌
占星老師也是台灣的

這幾年遇上很多大陸的朋友
他們都會講, 我普通話講很好聽
我會說, 因為一直看台灣綜藝呀, 那真的是托台灣的福

台灣真是很有文化底蘊的一個地方, 他們人用字講話都很溫婉
就可惜沒機會認識台灣朋友, 也沒去過台灣

風邪

病倒了, 而且還是連續兩個月都染上感冒
是太久沒見冬天姐嗎?
沒有吧, 明明夏天妹才是兩年沒見

大概是太大意了, 記得上次去京都遊學
聽說會有零度, 帶著戰戰競競的心情的過去

每天包裹得像糉一樣是必須的
也發現 冷帽/圍巾/口罩 的重要, 不然熱量原來還是會從頭頸手竄走
這樣度過了人生中最嚴寒的一個月

然後回香港, 覺得那冬天根本不能叫冷
現在也鬆懈了, 所以病了, 是活該麼

唉, 好想念熱辣辣的夏天, 好想念涼浸浸的游泳池
每次回香港是冬天, 來澳洲又是冬天, 姐你太高冷了, 你滾吧好嗎

弔詭

越來越覺得人生很多事情根本不講邏輯
譬如說事業, 感情, 信仰這些..
 
事業上.. 當你想好好安排, 規劃, 進行, 突然又會完全毀掉
也又可能誤打誤撞, 闖出一片天

感情上.. 明明你很用力的討好她, 卻被討厭, 明明你不想管的時候, 卻被喜歡

信仰上.. 明明如此堅持的執著, 到頭來才發現是一場空


最近老師在問, 如果可以選擇, 要聰明還是笨?
一般人會選聰明吧

可是他真正要講是, 其實很多聰明絕頂, 奇計百出的人反而是幸福感比較低的
也就是說, 傻人確實有傻福, 不去想太多反而是好的

為什麼老子如此有智慧的賢者, 卻主張反智呢
大概就是這種意思吧? 因為simple is better

歷史

今日無聊起到聽老蕭講歷史, 諗返起中三果陣揀科

雖然自己數學科係好少少, 最終又冇揀到數理科啵
但就好自然咁揀左歷史, 因為好有興趣

有時遇倒D親戚朋友都會講, 讀歷史冇用, 只係考你背野
但到而家, 我都冇後悔到讀歷史

咁究竟歷史係咩黎呢? 如果純粹以為讀歷史等如讀過去既事就太膚淺
確實歷史照字面解, 係過去既事, 但一般讀緊既歷史科並非廣泛到一切過去事實都會讀
所以, 如果歷史科係讀藝術史, 數學史, 宗教史, 咁我一定唔會讀呢一科了

因此, 如果準確地講歷史科係讀緊咩歷史, 我會講, 其實係政治史/文明史/朝代史.. etc
所以我真正既興趣似乎係政治, 而唔係過去事實

咁讀政治史又有冇用呢

英國最出名既首相邱吉爾, 歷史成績最好, 空餘時間都讀史
中共開國領導人, 毛澤東最熟讀係資治通鑑, 呢本書同時係一本史書, 又係一本政治書
前港督, 彭定康於牛津大學主修現代歷史
才子/商人, 蕭若元香港大學歷史系出身

以上例子, 慢慢參詳下

誠心

今日難得一次去教會

前幾年都有斷斷續續去過
不過今次可能帶著一個比較誠懇既心入去
換來截然不同既結果

因為其實我由細對大, 對基督教都特別抗拒
尢其中學果陣, 我讀既係基督教學校, 每日都要聽老師講道, 實質上係當佢地發up瘋
就會諗, 耶穌死完又復活, 好唔科學喎

高中之後, 為左識朋友都會試下入教會
但係, 可能始終自我意識太強, 根本投入唔倒, 以至都唔會再去

不過最近一兩年, 胸襟似乎廣闊左
教會聚集咁多朋友仔, 大家開開心心相處, 而且佢地都係導人向善, 有善良既心
點解唔嘗試接受佢地呢

零和遊戲

尋日朝早起台灣訂左果幾本書終於送到

其中有一本係老蕭經常推薦既自私的基因
本來只係想科普一下生物知識, 點知原來本書講到零和遊戲好正, 邏輯推理好嚴謹

佢好詳細分析左一個囚徒遊戲

規則如下:
兩人可選合作或背叛, 相方不能直接溝通
衍生出4種情況,
1係互相合作, 相方可得3點
2係互相背叛, 相方得1點
3/4係一方合作一方背叛, 合作方0點, 背叛5點

我就唔再重覆佢幾頁紙推論
不過佢結論就係, 背叛者只能保證單次遊戲得高分或同得低分
但若果轉為多人+多次性遊戲, 背叛者遇上背叛者/報復者, 就會比經常合作者低分
再推上另一種層次, 如果大家都係背叛者, 咁善良既人就難以生存, 但背叛者們亦唔會過得很好
但若果大家都可能報復既, 相反背叛者又好難生存

好.. 講到咁抽象, 點搬到現實層面呢
我會覺得, 大陸就係一個較多背叛者分怖既地方, 歐美就係一個較多善良分怖既地方
再生活D, 起淘寶買假野既機率高過ebay好多

假設買野行為等同合作, 唔買等如背叛
咁係咪即係唔去淘寶買野就係明智選擇呢?
似乎唔係, 因為你唔買野得唔倒自己想要既野, 咁對可以合作既相方都係損失
而且ebay既費用較貴, 去ebay買野得益未必咁大

所以如果要贏呢個遊戲, 要視單次為非零和遊戲
因為單次冇絕對既方法贏過對方, 反為可能造成損失
但如果宏觀先黎睇, 經常能找出合作方合作, 就可以比其他人得益更多
如此先可以從宏觀既零和遊戲中獲勝

呢個結論, 亦係佢呢書帶出, 點解一D利他動物既基因得以生存既理由
而更加準確講, 係互惠利他動物可以繁衍既理由

或者亦都可能係蘇聯倒台, 資本主義崛起既理由

安全第一

拖左差唔多成年, 終於考倒個P牌返黎

拎倒個牌真係又驚又喜
因為我識既朋友入面, 一半P都有炒過車

記得前年坐阿哥朋友車, 果時佢渣到興合合, 想飛車
我地果陣起澳洲既天崖海角, 一行出條馬路, 就會飛落懸崖講88

咁佢飛完車, 再車我地, 但佢似乎意猶未盡, 過灣一急就失控飛出馬路
果刻我以為自己就黎死, 渣住窗邊既扶手, 個腦閃左好多野出黎

不過好彩, 最後冇事, 只係剷左入草叢姐
自此之後, 我覺得任何事都一定要安全第一

慢D唔緊要, 真係唔可以炒車呀你

讀心術

十年磨一劍  霜刃未曾試

或者好多人, 甚至乎我自己都覺得, 我冇一樣野係做得比其他人出息
但發現.. 有一項技能似乎係從一而終

無論我讀緊既心理學又好, 喜歡既占星又好, 政治又好
都離唔開研究人諗咩做咩

再加上長年累月去觀察/感受人, 自然而然地磨出了這樣的一把劍

價值觀

尋日同一位朋友拗女仔應唔應該整容
我作為一個光譜極寬既人, 自然相信靚女莫問整容

但奈何朋友一直堅持整容太假, 係女仔虛榮心作祟
我地成晚就拗左呢個問題, 最終都係各持己見

終根究底都只不過係價值觀問題, 他之所惡, 不是我之所惡, 僅此而已


其實我已經開始慢慢接受唔同人既價值觀
黃絲又好, 藍絲又好, 只要你既意見有理, 我都基本上會接受

正所謂, 殊途同歸, 不如將更多心力放起點令大家得益

A burning desire to excel

To 冇出息既我

近幾年, 我好祟拜蕭若元, 我占星老師, 甚或企業家呢類人物
呢類人有一個共通點, 就係渴望燃燒自己, 成就大業

但首先.. 你要發英雄夢
就要克服自己嚴重猶豫不決, 拖泥帶水既問題
否則根本不是犧牲, 而係白白浪費

算命

前幾日去左算命, 幫算既係認識多年既占星老師

佢打破左我咁多年既迷思, 亦都注入左同等分量既迷思


我知道, 算命師傅不能完全解釋命運, 但佢掌握倒命運既韻律同走向

起佢身上, 我得倒既係更清晰既方向, 但還需摸索既既細節